السبت، 21 فبراير 2009
تهنئة للسيد الرئيس
تهنئة للسيد الرئيس
سيدي الرئيس
تحية وبعد
كل عام وحضرتك بخير بمناسبة عيد الأم .... عيد مبارك
لا متقلقش يا ريس ... إحنا كلنا فرحانين و مزقططين ع الأخر وربنا يزود أعيادنا كمان وكمان الحمد لله فعهد سيادتك كل أيامنا بقت أعياد وزقططه ..أكتر شعب في العالم عنده أعياد ..وكل عيد هو عيد مبارك عيد الفطر .... عيد مبارك ..... عيد الأضحي .... عيد مبارك ..... شم النسيم .... عيد مبارك .....عيد الفلاح ..... عيد مبارك ..... عيد العمال ..... عيد مبارك ..... عيد وفاء النيل .... عيد مبارك
عيد 6 أكتوبر ..... عيد مبارك ...... عيد الشرطة ... عيد مبارك ..... عيد القطن .... عيد مبارك... عيد الأم .... برضه عيد مبارك كله كله.... لو قعدت أعد مش حخلص لذلك فأنا بالنيابه عن شعبك الفرحان اللي مش بيبطل فرح وأعياد بتوجه لحضرتك بالشكر والعرفان بالجميل وبطلب ( باسم الشعب ) عمل 3 أعياد جديده
عيد الحزن .... كفايه فرح بقي يا ريس .. كل أيامك معانا رواشه (ربنا ميحرمك من الروشه)عاوزين نحزن بقي شويه .. نعمل عيد الحزن وكلنا نقعد نعيط .. بس ياتري يكون يوم إيه في السنه ؟؟..بصراحه أحترت مش لاقي يوم حسينا فيه بالنكد معاك ... ممكن نعمله يوم العباره . ولا يوم ما أخترعوا الخصخصه ..ولا يوم صفر كاس العالم ..ممكن نعمل إستفتاء ع اليوم ده ...أو اختار سعادتك بقي وبرده نقول عليه ... عيد أنت ياريس ظالم نفسك معانا والله ... لا مش كده وبس وتاعب معاك الأسره المالكه من الكبير للصغير... بيكافحوا .... وكله لوجه الله تعالي ..... يبقي لازم نعمل يوم يبقي عيد لينا كلنا ونسميه ( عيد المكافحه ) ../ بس منقلش فيه عيد مبارك ... لاء ... نغير ... نقول عيد جمال مثلا بصراحة يا ريس الشعب مش قادر يشكر الحاشية بتاعتك إزاي ؟ ليل نهار شغالين الله ينور.. لذلك بقترح نعمل عيد نكرمهم فيه .... ونسميه ( عيد الحراميه ) ونقيم إحتفالات بقي والشباب يطلع يهيص وكده ونعمل بقي مفاجأت في العيد ده للشعب ....يعني نحتفل بتخرج دفعة جديده من الحراميه الكبار...نرقي كام حرامي صغنطوط يبقي حرامي كبير >نطلع كام حرامي من السجن بعد ما اتعلموا الأدب وعرفوا إن الطمع وحش وإن لازم يقسموا مع الكبارات نحتفل برضه بهروب كام مستثمر بره بعد ما سرقله كام بنك .والحمد لله مش حنعدم الناس دي كتيروأهي فرصه برضه ياريس في الأعياد دي الشباب اللي مش لاقي شغل حيلقط رزقه يسرح ببلالين و نفافيخ .... ربنا ينفخكم كمان كمان ... ويطرح فيكم البركه وفي النهاية .. كل عام وانتم بخير
الاشتراك في:
تعليقات الرسالة (Atom)
المشاركات
ليست هناك تعليقات:
إرسال تعليق